Majira ya Kuinuka

Andiko: “(Maana twaenenda kwa imani, si kwa kuona.)” 2 Wakoritho 5:7. KTafakari; utembea kwa imani maana yake ni kuwa na uhakika na ahadi za Mungu hata kama hauoni picha nzima ya jambo.Paulo anatukumbusha kwamba kumuamini Mungu kunapaswa kuongoza hatua zetu kuliko kuendeshwa na hofu au mazingira. Mambo yasiyotarajiwa yanapoibuka kumbuka kwamba Mungu anajua matokeo ya kila hatua tunayoipiga. Kaza macho yako kumuelekea yeye badala ya kuyatazama matatizo, na Mungu atakuongoza katika kusudi lake na kuzitimiza ahadi zake kwako. MAJIRA YA KUINUKA Ukiri wa Imani; Ninatangaza na kukiri kwamba nitatembea kwa imani na si kwa kuona

Kuingia katika Ardhi Eneo lako Mungu alilokupatia. Andiko: “Kila mahali zitakapopakanyaga nyayo za miguu yenu, nimewapa ninyi, kama nilivyomwapia Musa.” Yoshua 1:3. MTafakari; ungu anamhakikishia Yoshua kwamba kila eneo tunalolikanyaga ni eneo la Mungu. Hii ahadi inamaana kwamba kila unapoinuka kila siku, Mungu anakuwa ameshaandaa baraka katika njia yako. Unaweza kusonga mbele ukiwa na uhakika kwamba hilo eneo umekanyaga Mungu amekumilikisha. Inuka ukiwa na mamlaka na udai ahadi zako, kwani kwa jambo jema kuna ahadi ya Mungu kwa ajili yako. Tembea kwa ujasiri kila siku, kwa uhakika kwamba ardhi unayoikanyaga ni zawadi ya Mungu kwako. MAJIRA YA KUINUKA Ukiri wa Imani; Ninatangaza kwamba nitatembea katika ardhi Mungu aliyoniahidia.

Nihuishe nguvu zangu kuziomba Ahadi za Mungu. Andiko: “bali wao wamngojeao Bwana watapata nguvu mpya; watapanda juu kwa mbawa kama tai;….” Isaya 40:31. KTafakari; una nyakati safari huwa ndefu na ya kuchosha, lakini ahadi ya Mungu katika kumgojea huambatana na kuhuisha nguvu zetu. Unapoinuka kila siku kutekeleza mapenzi ya Mungu, Nguvu zake hutuinua zaidi ya kila changamoto tunazokutana nazo. Hata katikati ya uchovu mwingi, Roho wake hutuhuisha. Amini kwa majira na wakati wake tutapaa juu kwa mbawa kama tai na kumaliza mbio salama. Amini kwamba nguvu za Mungu ni sahihi kabisa katikati ya udhaifu wako unapoendelea mbele kwa imani. MAJIRA YA KUINUKA Ukiri wa Imani. Ninatangaza kwamba ninahuishwa nguvu zangu katika Bwana.